Kei tō mātou Dublin Core Registry ētahi mōhiohio whaimana o ngā kupu raraungameta o te Dublin Core (DC). Mā te whakamahi anō i ngā kupu raraungameta ki ō kaupapa raraungameta ka taea ai te mahitahi i ō raraungameta me ētahi atu raraungameta, ā, nā ngā rēhita pēnei ka ngāwari ake ai te rapu kupu o nāianei hei whakamahinga anō māu.
He kupu Māori anō o roto. Kua manā ngā whakamāoritanga e Te Taura Whiri i te Reo Māori. E tāpiritia mai ana ngā whakamāoritanga i roto i te wā.
He mea tango ngā kupu matū o te Dublin Core mai i te ISO 15836:2003(E) me te AS/NZS ISO 15836:2004 Dublin Core Raraungameta Element Set: Version 1.1: Reference Description.
He mea whakarato te rēhita nei mai i te mahitahi o waenga o te Kaupapa Raraungameta o Dublin Core me Te Taura Whiri i te Reo Māori.
Ko te Kaupapa Raraungameta o Dublin Core
Ko Te Taura Whiri i te Reo Māori
Ko te whakamahi i te Dublin Core Registry
Tirohia te rēhita o ngā kupu raraungameta ka taea e koe te whakamahi anō ki ō kaupapa raraungameta.
Ka kitea e koe ngā matū o Dublin Core, tae atu ki ngā whakamāoritanga, ngā whakahounga o ngā matū, ngā papakupu, me ngā kaupapa waeherenga ki roto o te rēhita. Ka taea hoki te tirotiro tauira whakamahinga ki XML (eXtensible Markup Language) me RDF (Resource Description Framework). He whakamārama anō kei te wāhanga āwhina.
Kei te wātea mai hoki te rēhita hāngai pū mā ngā mihīni whakamahi i ngā atanga SOAP, REST, rānei. Ka kitea ngā whakaurunga mā ngā hōputu RDF/XML, te N-triple me N3.
