Neke atu i te 500.000 tuemi kei te wātea mā te Schools Collection, tae atu ki ngā pukapuka, ngā whataata, me ngā DVD. Ka taea e te kura te tautono i te pūoro, te pukapuka me te pukatāuhu mai i te National Library’s General Collections mā te pokapū ā-rohe o te Curriculum Information Service (CIS).
Ka taea e te kura me ngā akoranga i te kāinga te tautuhi i ngā tuemi e hiahiatia ana, mā ō mātou kaimahi rānei e tīpako ngā rauemi e tika ana mō koutou me ō koutou kaupapa.
Kei Tāmaki-makaurau, kei Papaioea, me Ōtautahi ngā pokapū CIS.
Arā atu anō mō te Curriculum Information Service
Arā atu anō mō te Schools Collection
Arā atu anō mō te General Collections
Ka taea e wai te tono rauemi CIS
Ka taea e ēnei rōpū te tono rauemi:
- ngā kaimahi wharepukapuka kura mō ngā ākonga
- ngā kaiako kura tuatahi, kura tuarua hoki
- ngā ākonga kuramāhita whai wheako
- ngā akoranga i te kāinga
- ngā kairīwhi (mō tētahi kīanga tau neke atu)
- mō te kairīwhi wā poto, mā te whakaae ā-tuhi a te kaiako
- ngā wharepukapuka.
Rauemi kei te wātea
Ko aua rauemi he pukapuka whai whakaahua, he pakimāero ā-taiohi, he pakipūmeka, he whataata, he kōpae, he DVD e tau ana mō te ākonga Tau 1 ki te 13. He rauemi reo Māori, reo o Te Moana-nui-a-Kiwa hoki kei te wātea.
Kei reira ngā wāhanga katoa o te marautanga.
Kaupapahere o te tono
Ka taea te tono kia 30 tuemi mō ia karaehe, he aukatinga pea ki ngā kaupapa nui te hiahiatia. Ka tukuna mō te 35 rangi. Ka taea te whakahoua mō te rua wiki, ēngari mō te whangaia e tētahi atu, he mea nui te hiahiatia rānei.
Tono rauemi
Ka taea te tautuhi rauemi motuhake mā te National Library Catalogue, mā te kī mai rānei i te kaupapa, ka tukuna atu ai e mātou ngā rauemi tika. Me whākī mai te whānui o te kaupapa, te aho marautanga, ngā hiahia me ngā ihiihinga o ngā ākonga, ngā tau pānui, me te wā o te hiahiatia.
Mā te tuihono, te waea, te waeatuhi, te īmēra rānei te tono mai a te kaiako, te akoranga ki te kāinga, me te kaimahi wharepukapuka kura.
Mō te paunga o te rima rangi mahi o muri o te tono ka tukuna atu ai ngā tuemi. Mō roto o te 24 haora te tukuna atu o te taitara motuhake.
Kāore he utu o te tuku ki ngā kura, māu rā anō te whakahokinga mai e utu.
Tono pukapuka kōrerorero
Mō te tamariki hauā ki te pānui, ka taea e te kaiako, te akoranga i te kāinga rānei, te tono pukapuka kōrerorero. Whakapā mai mō te mōhiohio ki taua tono nei.
| Contact Us | Curriculum Information Service (CIS) |
|---|
