Ko ngā niūpepa o ā mātou kohikohinga he mea wātea ki ngā whakatakotoranga ā-pepa, ā-whakaahua moroiti, ā-mati hoki. He maha ngā mea e wātea ana ki ētahi whakatakotoranga.
Rapua ngā niūpepa
Mā te rapu i te National Library Catalogue ka kitea ai ngā niūpepa e pupurutia ana e Te Puna.
Rapu tuhinga mai i ngā niūpepa mā te Index New Zealand
Ka kitea ngā tuhinga mai i ngā niūpepa o Aotearoa mā te whakamahi taupū, rāpopotonga hoki mai i te pae tukutuku o Index New Zealand. Kāore i reira te katoa o te tuhinga, ēngari he mea āwhina kia kitea ngā rauemi e tika ana mō tō rangahau.
Pae tukutuku o Index New Zealand
Ara atu anō mō Index New Zealand
National Newspaper Collection
Kei te papa tuatahi o raro o Te Puna te National Newspaper Collection. Kei reira ngā putanga o nāianei, o mua hoki o:
- ngā pepa matua o ngā taone nui, o ngā rohe puta noa i Aotearoa
- ngā tipakohanga niūpepa o ngā hapori (otirā o Te Whanganui-a-Tara)
- ētahi niūpepa moata o Ahitereiria me Ingarangi.
Ko ngā niūpepa o Te Moana-nui-a-Kiwa kei te kohikohinga nei, katoa o ērā nō nāianei tonu, kua tāngia ki ngā reo o ngā moutere o te Moana-nui-a-Kiwa, me ētahi niūpepa Māori hoki.
Ka taea te tono kape Whakaahua moroiti o ētahi niūpepa maha mā te tonotawhiti i tō wharepukapuka ā-rohe.
Kei te wātea mai i te pae tukutuku o te New Zealand Digital Library ētahi kape āmati o ētahi niūpepa kua tīpakohia mai i te kohikohinga.
Niupepa Māori ā-ipurangi – mai i te pae tukutuku o New Zealand Digital Library
Arā atu anō mō te National Newspaper Collection
Papers Past – ngā niūpepa o Aotearoa kei te ipurangi
Ko Papers Past tētahi kohikohinga ā-ipurangi o ngā whārangi o ngā niūpepa kua puta ki Aotearoa whānui, i tāngia mai i te tau 1839 ki te 1915. Neke atu i te kotahi miriona ngā whārangi mai i ngā niūpepa e 40 neke atu kei te National Newspaper Collection kua wātea noa mai i te ipurangi.
General Serials Collection
Kei te General Serials Collection ngā niūpepa o Aotearoa me Te Moana-nui-a-Kiwa kua tāngia i roto i te 12 marama kua pahure ake nei. Ka taea mā te tonotawhiti i tō wharepukapuka ā-rohe ētahi kape o ngā tuhinga mai i ngā niūpepa nei.
Ara atu anō mō te General Serials Collection
New Zealand and Pacific Collection
Ko te New Zealand and Pacific Collection he kohikohinga tohutoro o ētahi tūmomo tānga whānui mō Aotearoa me Te Moana-nui-a-Kiwa. Kei te wātea ētahi niūpepa o Te Moāna-nui-a-Kiwa kua tāngia i roto i ngā wiki e rua kua pahure ake nei mai i te rūma pānui kei te papa matua o Te Puna.
Arā atu anō mō te New Zealand and Pacific Collection
General Reference Collection
Ko ngā niūpepa o te New York Times (1993 ki tēnei wā) me te Times (1995 ki tēnei wā) kei te wātea mā te Kōpae Kiato mai i te General Reference Collection. Kei ngā kāpata wātea ngā Kōpae kei te papa matua, ka whakamahia hoki ki roto o Te Puna.
Arā atu anō mō te General Reference Collection
Niūpepa ki ētahi atu whare
He korekore noa ngā niūpepa tawhito. Tēnā pea, kei te kitea he ruarua noa ngā huinga taitara, ka tohatohaina ai mā ētahi rōpū.Hei rapu i te tūranga o ngā niūpepa hītori, tirohia te Union list of newspapers preserved in libraries, newspaper offices, local authority offices and museums, nā D R Harvey, 1987.Kei ētahi atu Whare Pukapuka puta noa i Aotearoa ētahi kohikohinga o ngā niūpepa o te wā. Rapua ngā pae tukutuku o ngā wharepukapuka o Aotearoa mā te Te Puna Web Directory.
Wharepukapuka o Aotearoa – te pae tukutuku o Te Puna Web Directory
