E tautokona ana e mātou ngā kaiako me ngā ākonga o ngā kura, tuatahi, tuarua, o waenganui hoki, ki te whakarato i ngā tūmomo rauemi marautanga hei āwhina i ngā rauemi e wātea ana ki ngā kura o Aotearoa.
National Library Schools Collection
Kei te Schools Collection neke atu i te 500,000 ngā tuemi e tautoko tika ana i te marautanga o ngā kura o Aotearoa o tēnei wā, tae atu ki te pukapuka, te whataata, me te DVD. Rapua ngā tuemi mā te National Library Catalogue.
Mai i Tāmaki-makaurau, Te Papioea, me Ōtautahi te Curriculum Information Service. Ka taea e te kaiako me ngā akoranga i te kāinga te tono tuemi mai i te pokapū tata tonu.
Ka taea hoki te tono tuemi motuhake o Schools Collection mā te tautono o tō wharepukapuka ā-rohe.
Arā atu anō mō te tono rauemi marautanga kura
Arā atu anō mō te National Library Schools Collection
National Library General Collections
Kei te tautoko te General Collections i ngā hiahia mōhiohio o ngā iwi katoa o Āotearoa, he hāngai tonu ki ngā rauemi e pā ana ki Aotearoa me Te Moana-nui-a-Kiwa. He mea pā ngā rauemi ki ngā kaiako me ngā ākonga o ngā kura tuarua.
Ka taea te tono tuemi mā te tautono o tō tō kura wharepukapuka, mā te whakapā rānei ki te pokapū Curriculum Information Service e pātata ana ki a koe, mē he haiako, he akoranga i te kāinga rānei. Rapua ngā tuemi mā te National Library Catalogue.
Arā atu anō mō te National Library General Collections
Discover
Ko Discover tētahi patengi raraunga koreutu o ngā rauemi rongorau kua tīpakohia hei whakamahinga ki ngā kura o Aotearoa hei tautoko i ngā pekanga marautanga o Ngā Toi. Kei reira ētahi o ngā toi a ngā tohunga pūoro, kaipeita, kaitango whakaahua, kaitātai, kaimahere, o Aotearoa o mua, onāianei hoki.
UiaNgāPātai.co.nz
Ko UiaNgāPātai.co.nz tētahi ratonga kōrerorero tuihono mō ngā ākonga katoa o ngā kura tuarua o Aotearoa. Ka taea ki taua wā tonu e te kaimahi wharepukapuka te āwhina i te rapu mōhiohio, ki te whai pukenga rapu, rangahau hoki.
Te pae tukutuku o UiaNgāPātai.co.nz
EPIC
Ko EPIC tētahi kaupapa whakaaro a ngā wharepukapuka o Aotearoa hei whakaahei i ngā tūmomo rauemi tuihono o te ao ki ngā kura o Aotearoa. Ko ngā whakahōunga ki tēnei wā ko te tuihono o Grove Art me Grove Music, me Encyclopaedia Britannica’s Britannica Junior me ngā putanga ā-ākonga mō ngā kura tuatahi. Ka taea te whakamahi rauemi o EPIC i Te Puna, mā te tāuru rānei ki te pae tukutuku o TKI mā te ingoa me te kupuhipa o tō kura.
Index New Zealand – te rapu tuemi mai i Aotearoa, mōna rānei
Ka taea e ngā ākonga me ngā kaiako te tono tuemi mai i ngā puka maheni me ngā niupepa o Aotearoa mai i Te Puna, kāore kau he utu. Rapu teumei mā Index New Zealand, hei whakamārama i te tuemi neke atu i hāwhe miriona kua tāngia ki Aotearoa, mōna rānei mai i te 1987. Rapua te Index New Zealand
Arā atu anō mō Index New Zealand
Matapihi
Mā Matapihi e rapua ai ngā kohinga āmati o ngā wharepukapuka, ngā whare taonga, me ētahi atu whare ahurea o Aotearoa. Kāore he utu o te whakaahei ki ngā āhua, ngā rawa o ngā whare taonga ā-tuihono, ngā whitiāhua, ngā e-tuhinga, ngā papa-mātauranga, me ētahi kōnae oro ruarua noa o tēnei pae tukutuku mahi ngātahi.
Ngā kohinga o Te Wharepukapuka o Alexander Turnbull
Hei tautoko pea i ngā hōtaka ako, ki te kura tuarua tonu, ngā kape mai i ngā mātāpuna taketake o ngā kohikohinga o Te Wharepukapuka o Turnbull. Rapua ngā tuemi pēnei me te whakaahua, te tuhi pikitia, te kape, te mahere, me te tuhinga-ā-ringa mā TAPUHI.
Ka kitea tuihonotia ētahi tuemi mai i ngā kohinga. Rapua mā te patengi raraunga tuihono o ngā āhua tuku iho, mā Timeframes.
