Kei a mātou ētahi rauemi kua tāngia, kāore anō hoki kia tāngia e pā ana ki ngā iwi Māori, te hītori, te reo, me te ahurea hoki o te Māori, he mea tuhi e te Māori e wai ake rānei.
Ka whakamahia ngā rauemi Māori o ngā kohikohinga hei rangahau i ngā tini āhuatanga o te ao Māori, arā te whenua, te whakapapa, te reo me ngā tikanga.
Ko ngā Tuhinga Motuhake me ngā Pikitia
Ka taea ki tēnei pae tukutuku te tirotiro i ngā kohinga āmati o ngā Tuhinga-ā-ringa me ngā Whakaahua o te Wharepukapuka o Alexander Turnbull, tae atu ana ki ngā whārangi 10,000 mai i ngā pepa a Tā Donald McLean, ā, neke atu i te 70,000 ngā whakaahua o Aotearoa me te Moananui-a-Kiwa.
Te pae tukutuku Ko ngā Tuhinga Motuhake me ngā Pikitia
Te Ao Hou (The New World) ā-ipurangi
Nō te tau 1952 ki te 1975 ka tāngia ai te puka maheni Māori Te Ao Hou (The New World) e te Māori Affairs Department. Kei te wātea koreutu ā-ipurangi ngā putanga e 76 katoa.
Timeframes
Ko Timeframes tētahi pātengi raraunga ā-ipurangi. Kei reira ētahi kape āmati o ngā whakaahua tuku iho mai i ngā kohikohinga o Te Wharepukapuka o Alexander Turnbull. Kei reira anō ētahi whakaahua o te Māori me ētahi tauira o te tikanga Māori.
Arā atu anō mō ngā kohikohinga o Te Wharepukapuka o Alexander Turnbull Library
Te Puna Web Directory
Rapua ngā hononga ki ngā rauemi Māori o ētahi atu pae tukutuku mā te Te Puna Web Directory.
Hononga Māori, reo Ingarihi – te pae tukutuku o Te Puna Web Directory
Hononga Māori, reo Māori – te pae tukutuku o Te Puna Web Directory
Index New Zealand – rapua te rauemi Māori mai i ngā puka maheni me te hautaka
He whakaaturanga o Index New Zealand i te hāwhe miriona tuhinga kua tāngia i Aotearoa, mō Aotearoa mai i ngā tau e 20 ki muri, tae atu ana ki ngā puka maheni me ngā hautaka pērā me Te Ao Hou me Te Kaunihera Māori: te Hautaka o te Kaunihera Māori.
He taupūnga tānga anō kei te General Serials Collection me te New Zealand Serials Collection o te Wharepukapuka o Turnbull.
Arā atu anō mō te General Serials Collection
Arā atu anō mō te New Zealand Serials Collection
Arā atu anō mō Index New Zealand
Māori Reference Collection
Kei te Māori Reference Collection ngā rauemi Māori kua tāngia ki ngā tūmomo kaupapa katoa tae atu ana ki te Hautaka o Te Rōpū Porinihiana me te taupū o ngā ingoa Māori nā H J Fletcher i kohi i te tau 1925. Ka taea te whakamahi i te kohikohinga ki Te Puna. Rapua ngā tūemi mā te National Library Catalogue.
Arā atu anō mō te Māori Reference Collection
Family History Collection
Kei te Family History Collection ngā taupū o te whānautanga, te matenga me te mārenatanga Māori, me ētahi atu rauemi e pā ana ki te rangahau whakapapa pērā me te taupū o ngā mēneti o Te Kōti Whenua Māori. Ka taea te whakamahi i te kohikohinga ki Te Puna. Rapua ngā tūemi mā te National Library Catalogue.
Arā atu anō mō te Family History Collection
New Zealand and Pacific Book Collection
Kei te New Zealand and Pacific Book Collection ētahi pukapuka onge, he mea reo Māori, me te kohinga kī rawa ki ngā tuhinga Māori puta noa te ao. Ka taea te whakamahi i aua pukapuka nei ki Te Puna.
Tirohia Books in Māori, nā Phil Parkinson & Penny Griffith, 2004, kia kitea ngā tūemi ka 1600 pea o te kohikohinga, kua whakarāngia mō mua o te 1900. Rapua ngā tūemi mā te National Library Catalogue.
Arā atu anō mō te New Zealand and Pacific Book Collection
Manuscripts Collection
Kei te Manuscripts Collection ngā pepa me ngā rekoata o:
- ngā whānau Māori, ngā tāngata me ngā rōpū
- ngā mihingare moata, me ētahi atu tira Pākehā nāna te pāpori Māori o te wā i mātakitaki
- ngā kaitōrangapū, kaiwhakahaere Pākehā hoki ka uru mai ki ngā take Māori (me ngā reta mai i ngā Māori)
- ngā kairangahau me ngā rōpū e whai whakaaro nei ki te hītori Māori.
He kohikohinga rongonui mai i:
- Māori Purposes Fund Board
- Sir Āpirana Ngata
- Alexander McDonnell
- Te Whāiti family
- Turakina Māori Girls’ College
- Donald McLean
- Walter Mantell
- the Polynesian Society
- Pei Te Hurinui Jones
- Elsdon Best
- the Māori Women’s Welfare League.
Ka taea te whakamahi tūemi tuhiringa ki Te Puna. Rapua ngā tūemi mā TAPUHI.
Arā atu anō mō te Manuscripts Collection
National Newspaper Collection me ngā Niūpepa Māori
Kei te National Newspaper Collection ngā niūpepa Māori ā-whakaahua moroiti mai i te 1842 neke mai. Rapua ngā tūemi mā te National Library Catalogue.
He kape āmati o ētahi niūpepa kei te wātea mai i te ipurangi mā te pae tukutuku o New Zealand Digital Library.
Niupepa Māori ā-ipurangi – te pae tukutuku o New Zealand Digital Library
Arā atu anō mō te National Newspaper Collection
Te kohikohinga o te Oral History Centre
Kei te Oral History Centre ētahi kohikohinga rīpene o te hītori Māori ā-waha, ā, he pānga anō ōna ki ngā kaupapa a ngā rōpū Māori puta noa i Aotearoa.
Ko ētahi kaupapa o nākua noa nei:
- Te Pūranga Maniapoto
- Te Kohikohinga o Te Wānanga o Raukawa
- Te Kohikohinga o Te Rōpū Wāhine Māori Toko I Te Ora
- Kaumātua Kahungunu o ngā tau 1990
- te Kaupapa hītori ā-waha o Hiruhārama.
Mā te whakarite wā anake te whakaāhei mai.
Arā atu anō mō te kohikohinga o te Oral History Centre
Turnbull Library Pictures
Ka taea te tirotiro i ngā kape o te maha noa o ngā whakaahua o ngā kohikohinga o Te Wharepukapuka o Alexander Turnbull mai i Turnbull Library Pictures ki te papa matua o Te Puna, me whakarite wā rānei kia kitea ngā mea tūturu. Kei reira ētahi whakaahua o ngā tāngata Māori me ētahi tohu o ngā tikanga Māori.
He whakaahua kua tīpakohia kei te wātea mai ā-ipurangi ki tā mātou pātengi raraunga o ngā whakaahua i tuku iho, Timeframes.
Arā atu ano mō Turnbull Library Pictures
Cartographic Collection
Kei tēnei kohikohinga mahere ētahi mōhiohio pēnei me:
- ngā ingoa o ngā wāhi me ngā pā Māori mai i ngā mahere me ngā ripanga tawhito a ngā kaihokohoko, ngā heremana, ngā kaiwhakatere, me ngā kairuri
- ngā ingoa o ngā poraka whenua Māori mai i ngā mahere kua tāngia mai i ngā tau 1880
- te mana whenua me ngā rohe mai i ngā mahere ruri paraiwete, tae atu ki
- ngā ara me ngā awa Māori mai i te kohikohinga o te New Zealand Historical Atlas, he mea nā Ta Āpirana Ngata rāua ko Pei Te Hurinui Jones i whakatika.
Ka taea te whakamahi i ngā mahere ki Te Puna mā te whakarite wā. Rapua ngā tūemi mā TAPUHI me te National Library Catalogue.
Arā atu anō mō te Cartographic Collection
Ko te kohikohinga Drawings, Paintings and Prints
Kei te kohikohinga Drawings, Paintings and Prints te maha noa o ngā whkaahua Māori me ngā tohu o Te Ao Māori, he oti rā mā te waituhi me te peita a ngā Pākehā o te rautau 19. Ko ētahi o ngā mea nui:
- he pukaiti waituhi ā-ringa me ētahi waituhi nā Walter Mantell rāua ko Richard Taylor
- he waituhi nā George Angas me Joseph Merrett
- he whakairo, he waituhi nā ngā tohunga toi i tae mai ki Aotearoa i te rautau 18 me Captain James Cook
- he waituhi tā moko nā Ngāi Māori.
Ka taea te tirotiro tūemi o te kohikohinga mā te whakarite wā. Rapua ngā tūemi mā TAPUHI.
Arā atu anō mō te kohikohinga Drawings, Paintings and Prints
Photographic Archive
Kei te Photographic Archive ētahi whakaahua taketake tūturu o Aotearoa me Te Moana-nui-a-Kiwa mai i ngā tau 1850 neke mai, tae atu ana ki ētahi e pā ana ki te Māori. Ka taea te tirotiro i ngā whakaahua ki Te Puna mā te whakarite wā. Rapua ngā tūemi mā TAPUHI.
Arā atu anō mō te Photographic Archive
Printed Ephemera Collection
Kei te Printed Ephemera Collection ētahi tūemi pērā me ngā hōtaka konohete Māori concert programmes mai i ngā tau mutunga o te rautau 19 ki tēnei wā; he pānui me te whārangi mō Te Tiriti o Waitangi, he pānui karawhiu take Māori; me ētahi hōtaka kua tīpakohia o ngā takahanga hui, mārae hoki. Ka taea te whakamahi i te kohikohinga ki Te Puna. Rapua ngā tūemi mā TAPUHI.
Arā atu anō mō te Printed Ephemera Collection
Special Printed Collections
Kei te Special Printed Collections ētahi tānga whakaahua o te pāpori o Aotearoa me te Māori i kitea e ngā Pākehā o ngā rautau 18, 19 hoki; me ētahi kōrero tawhito nā ngā kaiwhakatere pērā i a Captain James Cook, William Bligh, Dumont D’Urville me ētahi atu. Kei ētahi kōrero he rārangi kupu Māori i rangona e ngā Pākehā o taua wā.
Arā atu anō mō te Special Printed Collections
National Children’s Collection
Kei te National Children's Collection ētahi pukapuka maha mō te hunga tamariki, taiohi hoki kua tuhia ki te reo Māori. Kō ētahi pukapuka reo Māori kua tīpakohia kei te wātea ā-ipurangi ki te International Children’s Digital Library. Ka taea te tono pukapuka mā te tonotawhiti, te whakamahi rānei ki Te Puna. Rapua ngā tūemi mā te National Library Catalogue.
Arā atu anō mō te National Children’s Collection
Arā atu anō mō ngā pukapuka o Aotearoa o te International Children’s Digital Library
Whakaaturanga ā-ipurangi o Rangiātea
Ko Rangiātea te mea kaumātua o ngā Hāhi Mihingare Māori o Aotearoa tae noa ki tōna tahunga ki te ahi i te tau 1995. Kua whakahōungia. He whakanui tēnei pae tukutuku i te hītori motuhake o Rangiātea.
Ranfurly Collection ā-ipurangi
He kape āmati o ngā whakaahua me ngā pepa e pā ana ki te haerenga o 1904 a Lord Ranfurly ki roto o Te Urewera ki te tūtaki i ngā rangatira o Tūhoe kei te Ranfurly Collection ā-ipurangi. He whai anō a Lord Ranfurly, Kāwana oAotearoa 1897 - 1904, i ngā whakawhitiwhitinga kōrero a Te Kāwanatanga me te Māori ki ngā take whenua Māori me ētahi atu tū āhuatanga, ōna kawenga he mea tikanga kē.
Te pae tukutuku o Ranfurly Collection
Transactions and Proceedings of the Royal Society of New Zealand
Kei Transactions and Proceedings of the Royal Society of New Zealand (1868 ki te 1961) ētahi tuhinga mō te hītori, te matāwaka, me ngā kōrero tuku iho a te Māori mai i te waenganui me te mutunga o te rautau 19 neke mai. Kei te wātea utukore ngā hautaka ā-ipurangi.
Te pae tukutuku o te Transactions and Proceedings of the Royal Society of New Zealand
