Ko te wāhi pai ake hei tīmata i tō rangahau i tō hītori ā whānau me tō whakapapa ki Te Puna Mātauranga kei te Family History Collection i te papa matua. He huarahi rangahau hōhonu ake anō kei ngā rauemi o ngā kohikohinga o Te Wharepukapuka o Alexander Turnbull Library.
Mā ō mātou kohikohinga ka taea te kite i:
- te wā i whānau mai ai, i mārena ai, i mate ai tētahi tangata
- te wā i tae mai ai tētahi tangata ki Aotearoa
- ngā mahi a ō tūpuna me ō rātou wāhi kāinga
- ngā pānui whānau mai, mate hoki mai i tētahi nūpepa
- tētahi hītori o tō taone, kura, hāhi, rōpū rānei
- tētahi whakaahua tawhito o tō tiriti
- ētahi whakaahua kaipuke
- ētahi wātaka i tuhia i runga i ngā kaipuke.
Family History Collection
Kei tēnei kohikohinga tohutoro-anake ngā taupū whānau mai, mate atu, mārena hoki, ngā taupū kaipuke, ngā taupū urupā, ture whānau hoki, me ngā rārangi ingoa pōti. He rauemi ā tuhi, āmati hoki āna. Kei reira hoki ētahi rauemi mai i Ahitereiria, Piritania Nui, me Airangi. Ka taea te whakamahi i te kohikohinga i Te Puna. Rapua ngā tūemi mā te National Library Catalogue.
Arā atu anō mō te Family History Collection
Papers Past
Kei te kohikohinga āmati nei te Papers Past ētahi tīpakohanga nūpepa mai i ngā rohe katoa o Aotearoa, kua tāngia mai i te tau 1840 ki te 1915. He mea ihiihi ki te rangahau i te hītori o tō whānau me tō whakapapa ngā rongo kaipuke, ngā poroporoākī tūpāpaku, ngā pūrongo o ngā takahanga ki te rohe, me ngā pānui o te whānautanga, te matenga, me te mārenatanga.
Timeframes
Kei te pātengi raraunga ā-ipurangi o Timeframes ētahi whakaahua tuku iho āmati mai i ngā kohikohinga o Te Wharepukapuka o Alexander Turnbull. Kei reira he whakaahua o ētahi kaipuke, wāhi maha hoki, whakaahua tāngata, me ētahi atu āhua e pā ana ki te rangahau i te hītori o te whānau me te whakapapa.
Index New Zealand – rapua ngā tuhinga kei ngā puka māheni me ngā hautaka
He whakaaturanga o Index New Zealand i ētahi tuhinga hāwhe miriona neke atu kua tāngia i ngā tau e 20 kua pahure ake nei, ā, he mātāpuna nui mo te mōhiohio tangata. Ko ngā tūmomo taitara kua taupūtia mai i ngā puka[puka māheni e ngākaunuitia ana, ki ngā hautaka kaupapa motuhake kē.
He kore nō te tuku a te pae tukutuku i te putanga kupu katoa o te tuhinga, ēngari he mea āwhina i a koe i tō rapu rauemi e tika ana mō tō rangahau.
Te pae tukutuku o Index New Zealand
Arā atu anō mō Index New Zealand
New Zealand and Pacific Collection
Kei te New Zealand and Pacific Collection ngā mahere ā-ao, ngā kāhīti, ngā tānga o te kāwanatanga pēnei me te kāhīti o Aotearoa, ngā hītori ā-tāngata, ā-rohe hoki. Kei ngā Appendices to the Journals of the House of Representatives ētahi ingoa maha. Ka taea te whakamahi i te kohikohinga ki Te Puna. Rapua ngā tūemi mā te National Library Catalogue.
Ara atu anō mō te New Zealand and Pacific Collection
Māori Reference Collection
Kei te Māori Reference Collection ngā mātāpuna rangahau whakapapa pēnei me te Journal of the Polynesian Society, te Index of Maori names nā H J Fletcher i kohi i te tau 1925, me te taupū o ngā mēneti o te Māori Land Court. Ka taea te whakamahi i te kohikohinga ki Te Puna. Rapua ngā tūemi mā te National Library Catalogue.
Arā atu anō mō te Māori Reference Collection
General Reference Collection
Kei te General Reference Collection ētahi rauemi pai mō te hītori whānau pērā me te papakōrero tāngata, he mea whakamahi ki Te Puna. Rapua ngā tūemi mai i te National Library Catalogue.
Arā atu anō mō te General Reference Collection
New Zealand and Pacific Book Collection
Ko ngā pukapuka tawhito, o nāianei hoki e pā ana ki Aotearoa me Te Moana-nui-a-Kiwa kei tēnei kohikohinga o Te Wharepukapuka o Turnbull. Kei te kohikohinga hoki ētahi aki rapu i ngā rārangi kaipuke me te mōhiohio ā-tangata, tae atu ki te taupū whakaahua ā-tāngata.
Ka taea te whakamahi ēnei rauemi ki Te Puna. Me tīmata tō rangahau ki te Pokapū Rangahu o Turnbull kei te papa tuatahi.
Arā atu anō mō te New Zealand and Pacific Book Collection
National Newspaper Collection
Kei te National Newspaper Collection ētahi niūpepa mai i Aotearoa, Ahitereiria, me Te Moanana-nui-a-Kiwa. Kei a ia nei te kohikohinga whānui rawa o ngā niūpepa tawhito o Aotearoa ā, he mātāpuna pai mō te rangahau hītori ā-whānau. Rapua ngā tūemei mā te National Library Catalogue.
Arā atu anō mō te National Newspaper Collection
Turnbull Library Pictures
He kape kei ngā Turnbull Library Pictures o ngā whakaahua taketake tūturu mai i ngā kohikohinga o Te Wharepukapuka o Turnbull, tae atu ana ki ngā whakaahua o ngā tāngata, o ngā kaipuke, me ngā wāhi. He whānui ake te tīpakohanga i tō Timeframes. Ka taea te tirotiro i te kohikohinga ki te papa matua o Te Puna.
Arā atu anō mō Turnbull Library Pictures
Manuscripts Collection
Kei te Manuscripts Collection o Te Wharepukapuka o Turnbull ngā pepa me ngā rekoata o ngā tāngata me ngā rōpū, tae atu ana ki ngā rātaka, ngā reta a ngā hōia, ngā hautaka o te hunga manene mai, ngā rekoata a ngā kaiwhakahaere hāhi, tangihanga me ngā pukapuka whakapapa. Ka taea te whakamahi i ngā tūemi tuhiringa ki Te Puna. Rapua ngā tūemi mā TAPUHI.
Arā atu anō mō te Manuscripts Collection
General Serials Collection
Kei te General Serials Collection ngā tūmomo puka maheni o Aotearoa, o tāwāhi hoki. He rauemi o reira ā-tāngata, ā-horopaki hoki o te hītori ā-whānau. Rapua ngā tūemi mā te National Library Catalogue.
Arā atu anō mō te General Serials Collection
New Zealand Serials Collection
Kei te New Zealand Serials Collection o te Wharepukapuka o Turnbull ētahi puka maheni whānui mai i ngā rōpū whakapapa, hītori hoki. Kei te katoa ngā mōhiohio haurongo, ā-whānau hoki. Ka taea te whakamahi i te kohikohinga ki Te Puna. Rapua ngā tūemi mā te National Library Catalogue.
Arā atu anō mō te New Zealand Serials Collection
Cartographic Collection
Kei te Cartographic Collection ētahi mahere tawhito o Aotearoa e whakaatu ana i ngā rohe whenua me ngā uriwhenua mai i te tau 1840 neke atu. Mā te whakarite wā ka taea te toro mai ki tēnei kohikohinga o Te Wharepukapuka o Turnbull. Rapua ngā tūemi mā TAPUHI me te National Library Catalogue.
Arā atu anō mō te Cartographic Collection
Te kohikohinga o te Oral History Centre
Kei te Oral History Centre ngā rīpene o ngā uiui hītori ā-waha me ngā iwi puta noa i Aotearoa me Te Moana-nui-a-Kiwa. Ko te nuinga o te kohikohinga he mea mahi mai i ngā tau 1960. Mā te whakarite wā ka taea ai e koe te toro mai ki tēnei kohikohinga.
Arā atu anō mō te kohikohinga o te Oral History Centre
Photographic Archive
Ko ngā whakaahua tūturu o Aotearoa me Te Moana-nui-a-Kiwa mai i ngā tau 1850 neke mai, tae atu ana ki ētahi whakaahua peita, kei te Photographic Archive. Mā te whakarite wā ka taea ai e koe te toro mai ki tēnei kohikohinga o Te Wharepukapuka o Turnbull. Rapua ngā tūemi mā TAPUHI.
Arā atu anō mō te Photographic Archive
Te kohikohinga o ngā Drawings, Paintings and Prints
Kei te kohikohinga o ngā Drawings, Paintings and Prints ētahi whakaahua o Aotearoa me Te Moana-nui-a-Kiwa mai i ngā tau 1760 neke mai, tae atu ana ki ētahi whakaahua, me ētahi pikitia o ngā kaipuke kawe manene mai. Mā te whakarite wā ka taea ai e koe te toro mai ki tēnei kohikohinga o Te Wharepukauka o Turnbull. Rapua ngā tūemi mā TAPUHI.
Arā atu anō mō te kohikohinga Drawings, Paintings and Prints
Printed Ephemera Collection
Kei te Printed Ephemera Collection ētahi tūemi pai mō te rangahau tangata kotahi, pērā me te pukaiti whakamataaratanga tōrangapū, hōtaka whare tāpere, pūoro hoki, hōtaka whakanuitanga hāhi, rōpū hoki, me ngā karakia mārena, tanu tūpāpaku hoki. Mā te whakarite wā ka taea ai e koe te toro mai ki tēnei kohikohinga o Te Wharepukapuka o Turnbull. Rapua ngā tūemi mā TAPUHI.
