Photographic Archive

He wāhanga o ngā kohikohinga o Te Wharepukapuka o Alexander Turnbull te Pūranga Whakaahua. Nō ngā tau mutunga o 1930 ka tīmata ai, kei te tupu haere tonu hei pūrongo whakakite o Aotearoa me ōna iwi.

Kei te Pūranga nei he whakaahua nā te kaiutu me te tangata noa iho i tango, hei whakaaturanga i ō rātou ao, i ō rātou whānau, i ō rātou hapori.

He whaikaha te kohikohinga ki ēnei wāhi:

• Te Ao Māori, tōna iwi, ōna mahinga
• ngā taonenui, ngā taone iti o Aotearoa
• ngā Pakanga o Aotearoa
• ngā tāngata o Aotearoa ki ngā Pakanga Nui e rua me ētahi atu whawhai o tāwāhi
• Hāmoa, Tonga, Whītī, Te Kuki Airani me ētahi atu wāhanga o Te Moana-nui-a-Kiwa
• Te Whenuanui Pātio me ōna moutere tae atu ana ki ngā haerenga o Scott, Shackleton me te Ross Sea Committee
• he whakaahua mai i te Evening Post, Dominion, The Press, me ētahi atu niupepa
• Kaitango whakaahua rongonui o Aotearoa o ngā rautau 19, me te 20, taea noatia a Daniel Beere, Tyree Studio, Leslie Adkin, John Pascoe, Ans Westra, Samuel Carnell, Irene Koppel me William James Harding
• whakaahua o ngā tāngata o Aotearoa puta noa, mai i ngā tūmomo matāwaka, rōpū pāpori hoki.

Whakaahei tuemi mai i tēnei kohikohinga

Rapu mā TAPUHI ngā whakamāramatanga tuemi o te Pūranga Whakaahua. Kāore i te whakamāramatia tuihono ngā tuemi katoa.  Ki te kore e kitea ko tāu e rapu nā, pātaitia te kaimahi wharepukapuka.

Kei Timeframes (tō mātou patengi raraunga tuihono o ngā whakaahua tuku iho) ētahi kape āmati o ētahi tuemi.Kei te papa tuarua o Te Puna te Pūranga Whakaahua. Ka taea te tono wā tirotiro i te kohikohinga mā te waea, mā te īmēra rānei.

Mē he waewae tapu koe ki te kohikohinga, me tīmata pea ki Ngā Whakaahua o Te Wharepukapuka o Turnbull (TLP), kei reira neke atu i te 200,000 kape o ngā whakaahua tūturu, ngā peita, ngā tuhinga ā-ringa, me ngā kape noa. Mē hiahiatia ana, ka taea te tono wā tirotiro ki reira.

He ahurei, he kōpīpī pea ngā whakaahua. Ka tirohia ana, me whai ngā tohutohu, me mau kahuringa miro. Mā te pene rākau e tuhi rāpopotonga. Ka tae rā anō te whakamahi rorohiko.

TAPUHI

Te pae tukutuku o Timeframes

Arā atu anō mō Ngā Whakaahua o Te Wharepukapuka o Turnbull

Whiwhi kape tuemi mai i tēnei kohikohinga

Ka taea te tono kape o te nuinga o ngā whakaahua o te Pūranga ki te kore taua kape e whakaparahako i te mea tūturu, e takahi manatā rānei. Ko ngā whakahōputu he kape āmati ā Kōpae, he kape ā-waituhi, me te kape ā-whakāhua.

Rapua ngā rārangi utu, tono tuemi mā Timeframes, whakapā mai rānei, ka tukuna ai te pukaiti tono.

Te pae tukutuku o Timeframes

Arā atu anō mō te whakakape

Rapu āwhina

Ka taea te whakautu pātai kanohi ki te kanohi, mā te reta, waea, īmēra rānei. He mōhiohio anō kei te wātea mō ngā whakaahua o te kohkohinga me ngā kaitango whakaahua o Aotearoa.

Ke taea hoki te kōrero ki tētahi tangata, ki ngā rōpūrānei mō te manaaki me te whakahaere i ā rātou whakaahua. He ratonga tohutohu anō kei Te Tari Tohu Taonga.