Ko te Oral History Centre tētahi wāhanga o Te Wharepukapuka o Alexander Turnbull.
Neke atu i 10 000 ngā rīpene o te kohikohinga. Kei aua rīpene nei he uiui i ngā tāngata puta noa i Aotearoa me Te Moana-nui-a-Kiwa, o ngā tūmomo matāwaka, iwi, hapū hoki, mahi, rōpū tōrangapū, ihiihi katoa. He mea pā hoki ki ngā kauwhau, ngā pānuitanga, ngā takahanga.
Nō muri mai o 1960 te nuinga o ngā rīpene. He mea pā te kohikohinga ki te pāpori o Aotearoa, te ahurea, te hapori, me te hitori tōrangapū mai i ngā tau whakamutunga o te rautau 19, ki tēnei rā.
He pepa mana anō mō ngā uiui, me tētahi rāpopotonga – tētahi āta waetuhi-ā-tau kia tere wātea mai ai ngā ihirangi o te rīpene. Ko ētahi o ngā uiui kua tuhia, kua tīmata rānei te tuhituhi. Kei ētahi hoki he whakaahua, he rauemi e pā mai ana hoki.
Kei reira hoki ētahi kaupapa hitori-ā-waha o te Māori, he rīpene kauwhau me ētahi atu takahanga ka Reo Māori. Kei te Register of oral history records on the social and economic history of Māori from 1945 to 1995 ētahi whakamārama ki ētahi uiui Māori kua tīpakongia e pupurutia ana ki te kohikohinga hitori-ā-waha o Te Puna. Nā Dr Monty Soutar te rārangi i kohi mō te Crown Forestry Rental Trust i te tau 2003.
Mo te takoha papanga mai ki te kohikohinga, whakapā mai ki te Curator o te Oral History Centre.
Te Whakapā ki ngā tuemi o tēnei kohikohinga
Mā te tono ka wātea mai ai te Oral History Centre. Kāore pea ētahi rīpene e tere wātea, he tono motuhake anō mō te rongo, te mātakitaki rānei me kape motuhake rānei pea.
Mā te tirotiro pātengi raraunga ina toro mai koe ki te Oral History Centre ka kitea ai he aha o roto o te kohikohinga, me whakapā mai rānei ka tīmata mātou te tirotiro mōu.
Te Tono tuemi mai i te kohikohinga
Ka taea e koe te tiki kape o ētahi o ngā uiui hitori-ā-waha me ētahi atu o ngā rīpene mā te ā-tuku ki tō wharepukapuka ā-rohe. Whakapā mai ki te Oral History Centre ka kōrerorerotia ai tō tono mō mua o tō tono mā tō wharepukapuka.
Te tiki kape o te tuemi mai i tēnei kohikohinga
Ka taea e koe te tono tangohanga mai i ngā uiui me ngā rīpene ā-rongo, ā-mātakitaki hei whakamahi ki te whakaaturanga, pae tukutuku, pāpaohonga, kauwhau hoki. Whakapā mai mō ō hiahia, me ngā ritenga whakaae.
Kāore e taea te kape i te rīpene katoa mō te rangahau paraiweti. Ka taea te rāpopoto i te wā o te whakarongo, te mātakitaki rānei. Mō te tuhi rauemi mai i tētahi uiui, me pātai mai ki tētahi kaimahi.
Tono āwhina
Ka taea te whakautu i ō pātai kanohi ki te kanohi, mā te īmēra, mā te reta, mā te waea rānei.
E wātea ana te Āpiha Māori ki te āwhina i ngā papanga reo Māori, ki te whakarato take reo Māori, ki te mahi me ngā rōpū, te tangata rānei e whai ana i te mau i te hitori ā-waha o te Māori.
Whakahaerea ai e mātou ngā kaupapa mō ngā rōpū, tāngata rānei e hiahia ana ki te rīpene i ētahi hitori-ā-waha. Ki te hiahia koe kia whakaritea tētahi kaupapa hitori-ā-waha. Whakapā mai ki te Curator of the Oral History Centre.
| Contact Us | Oral History Centre |
|---|
