Ko te Kohikohinga Niupepa o te Motu tētahi wāhanga o ngā kohikohinga o Te Wharepukapuka o Alexander Turnbull.
Kei te kohinga nei te niupepa tawhito rawa atu o Aotearoa, te New Zealand Gazette, i tāngia i te tau 1839. Kei reira hoki ētahi niupepa ā hapori, o ia rā.
He tūmomo hōputu pēnei me te pepa, te whitiāhua moroiti, me te āmati o ngā niupepa e wātea ana.
Arā atu anō mō ngā kohikohinga o te Wharepukapuka o Alexander Turnbull
Whakaahei tuemi mai i tēnei Kohikohinga
Rapua ngā whakamārama mō ngā niupepa o tēnei kohikohinga mā te National Library Catalogue (tāpirihia te rerenga kōrero 'New Zealand newspapers' kia pai ake ai te hua mai).
Kei te wātea ngā niupepa ki te rūma pānui niupepa kei te papa tuatahi o raro o Te Puna. Kāore te niupepa tūturu e tukua mēnā he kōpīpī rawa, he kape whitiāhua-moroiti kei te wātea rānei.
He kuhukuhu te kohikohinga whitiāhua moroiti. He mea tono ngā pepa tūturu. Ka taea te tono ki te Pokapū Rangahau o Turnbull kanohi ki te kanohi, mā te reta, te īmēra rānei.
Kei te wātea mai i Papers Past mā te pae tukutuku o te Wharepukapuka Āmati o Aotearoa ētahi kape āmati o ētahi tīpakohanga niupepa tawhito o Aotearoa me ētahi tānga o te wā hoki.
Te Whakarārangi o Te Puna Mātauranga
Te pae tukutuku o Ngā Niupepa Māori
Arā atu anō mō te rehita me te tono
Whiwhi kape mai i tēnei kohikohinga
Kei te wātea ētahi kape o te nuinga o ngā tuemi o tēnei kohikohinga ki te kore te manatā e haukotia. Kei te wātea ngā mihīni tā mō te tuhinga-moroiti me te whitiāhua-moroiti ki Te Puna. Ka taea hoki te hoko kape whitiāhua-moroiti.
Arā atu anō mō te manatā me te whakamahi
Tono tuemi mai i tēnei kohikohinga
Ka taea te tono kape whitiāhua-moroiti o ngā niupepa mā te tautono mai i tō wharepukapuka ā-rohe. Tukuna ana e mātou ki ngā wharepukapuka o Aotearoa, o tāwāhi hoki.
Rapu āwhina
Ka whakautua ō pātai mā te kanohi ki te kanohi, mā te reta, mā te waea, mā te īmēra rānei. Mō te rapu āwhina ki tēnei kohikohinga, whakapā mai ki te Kaitiaki, Ngā Kohikohinga o Aotearoa me Te Moana-nui-a-Kiwa.
| Contact Us | Alexander Turnbull Library collections |
|---|
