Ko te Kohikohinga Tuhinga-ā-ringa tētahi wāhanga o ngā kohikohinga o Te Wharepukapuka o Alexander Turnbull. Kīkī katoa ana ngā whata neke atu i ngā kirometa e iwa.
Kīia ai te tuhinga-ā-ringa he pūranga. Ko ērā ngā mea pēnei me te reta, te īmēra, te hautaka, te rātaka, te pukaiti, ngā maimahara, ngā whāikōrero, ngā pukatuhi noa, me ngā mēneti.
Kei te kohikohinga ngā pūrongo o ngā tāngata me ngā rōpū mahi i te:
- Whakawhanaungatanga ā-matāwaka
- hītori, mātauranga Māori hoki
- kitenga me te toronga Pākehā o Te Moana-nui-ā-Kiwa me te Whenuanui Mākinakina
- te hekenga me te nōhanga
- pakanga
- take ūniana
- pakihi
- tōrangapū
- mahi mihingare, hāhi hoki
- hākinakina me te rēhia
- pūtaiao
- whakapaetanga
- mahi toi.
Hāunga ngā pūrongo o ngā tāngata me ngā rōpū rongonui ki te motu, ki tāwāhi hoki, kohikohia ai e mātou ngā pūrongo o ngā tāngata ehara i te mea he rongonui pea, ēngari he whai wheako nui ki ngā āhuatanga hirahira ki te hītori o Aotearoa, Hei tauira, ko ngā reta a ngā hōia, ngā pukapuka whakapapa, me ngā hautaka a te hunga heke mai.
He kape ā whitiāhua-moroiti anō ā mātou o ngā rauemi tuhinga-ā-ringa o Aotearoa, o tāwāhi kei te kuritia e ētahi atu whare taonga, e te tūmataiti rānei.
Ko te Puranga o te Pūoro o Aotearoa
Ko te Puranga o te Pūoro o Aotearoa tētahi wāhanga o te Kohikohinga Tuhinga-ā-Ringa. Ko tāna he tautuhi i te hītori o te pūoro o Aotearoa.
Arā atu anō mō Te Puranga o te Pūoro o Aotearoa
Whakaahei ki te tuemi o tēnei kohikohinga
Kei te papa tuatahi o Te Puna te Kohikohinga Tuhinga-ā-Ringa. Kei te ipurangi ētahi kape āmati o ētahi tuemi kei Timeframes me te Ranfurly Collection.
Mā TAPUHI ka rapua ngā whakamārama o ngā tuemi o te Kohikohinga Tuhinga-ā-Ringa. Kāore te katoa i te whakamāramatia ā-ipurangi. He rārangi tūturu anō kei te wāhanga Tuhinga-ā-Ringa hei āwhina i a koe.
Mā te wāhi whakatau o Tuhinga-ā-Ringa ki te papa tuatahi te whakaahei rauemi. Ka taea te tono rauemi mā te whakapā mai. Ka taea hoki te tono mā TAPUHI mēnā i konei koe i Te Puna.
Pae tukutuku o Ranfurly Collection
Ara atu anō mō te rehita me te tono
Tiki kape o ngā tuemi o tēnei kohikohinga
Ka taea te kape tuemi o tēnei kohikohinga mēnā karekau he takahi i ngā momo ture manatā. Kei te wāhi whakatau o Tuhinga-ā-Ringa ngā whakaratonga kape. Tono kape, whakaahua rānei mā te reta, te waea, te īmēra rānei.
Ara atu anō mō te manatā, me te whakamahinga
Tono tuemi mai i tēnei kohikohinga
Ka taea te tono kape whitiāhua-moroiti o ētahi o ngā tuemi mai i tēnei kohikohinga mā te tautono ki tō wharepukapuka ā-rohe. Kāore ngā rauemi tūturu e tukua.
Kimi āwhina
Ka taea te whakautu pātai kanohi ki te kanohi, mā te reta, te waea, te īmēra rānei.
| Contact Us | Alexander Turnbull Library collections |
|---|
