Ko ēnei ētahi mahi hei whakaaro māu mō mua o tō peka mai kia kaua tō wā rangahau ki konei e moumoutia.
Kimi wawe i te rauemi Tirohia ā mātou rārangi ā-ipurangi, tēnā pea kei reira ngā āhuatanga kei te rapua.
Rapua ngā pukapuka, ngā niūpepa, ngā pukapuka onge, ngā mahere, ngā puka māheni, hautaka rānei mā te National Library Catalogue.
Kei te National Library Catalogue ngā rekoata o ngā tānga kua rārangitia mai i te tau 1982, me ngā tūemi mai i ngā kohikohinga motuhake o Te Wharepukapuka o Alexander Turnbull i tukuna mai nō muri mai o te 1984. Kei te tāpirihia haerehia ngā rauemi o mua o te 1982.
Mō ngā tuhiringa, ngā whakaahua, ngā waituhi, ngā kapenga, ngā waituhi whakakata, ngā aha no, ngā mahere rānei tirohia te TAPUHI.
Arā atu anō mō ngā kohikohinga kei tō mātou Collections A-Z.
Tirohia ā mātou kohikohinga ā-mati
He maha ngā tūemi o ngā kohikohinga kei te ipurangi. Hei tauira: kei Papers Past neke atu i te miriona ngā whārangi o ngā nūpepa o Aotearoa kua tīpakohia mai i te rautau 19 me te tīmatanga o te 20; Kei Timeframes e 50,000 pea ngā āhua mai i ngā kohikohinga a Turnbull o ngā whakaahua, ngā waituhi, ngā kapenga, ngā peita, ngā pānui, ngā waituhi whakakata, ngā mahere, me ngā tuhiringa.
Tirohia ā mātou kohikohinga ā-mati
Rautakingia tō toro mai
Kua kitea e te nuinga o ngā manuhiri ki Te Puna kei ngā wāhi maha noa o Te Puna ngā rauemi e hiahiatia ana, ā, he rerekē anō ngā ritenga whakaahei. He huarahi anō mō te haukoti i te takaroa.
1. Me tono rauemi mō mua noa o te toro mai
Mō te tono rauemi mai i General Collections me rēhita hei kaiwhakamahi. Nō taua rēhitatanga, ka taea te tono rauemi ā-ipurangi mō mua o tō toro mai mā te National Library Catalogue. Ka puritia aua rauemi ki te Wāhi Whakatau i te papa matua kia tae rawa mai koe.
Mō te tono rauemi mai i ngā kohikohinga o Te Wharepukapuka o Turnbull me whakapā mai koe ki Te Puna, me ngā whakamārama mai i ngā rārangi o ngā tūemi e hiahiatia ana mōu ina tae mai koe. Ke taea mā te reta, te waea, te waeatuhi, te īmēra rānei.
Arā atu anō mō te rēhita hei kaiwhakamahi
Pātaitia tētahi kaimahi wharepukapuka
2. Tirohia ngā wā tuku-ā-tira mō ngā rauemi e hiahiatia ana
Tukuna atu ana ngā rauemi o te General Collections e 20 mēneti o muri atu o tō tono.
Kei Te Wharepukapuka o Alexander Turnbull ēnei wā tuku-ā-tira:
- Ngā tono tūemi kua tāngia ka kohia i te 9.30am; 11.30am; 1.30 me te 3.30pm, Mane ki te Paraire.
- Ngā tono tūemi tuhiringa ka kohia i te 9.30am; 11.00am; 12.30pm, 2pm me te 3.30pm, Mane ki te Paraire. Ko ngā wā tuku-ātira o te Rāhoroi: 9.30am me te 11am.
Kia 20 meneti o muri mai o aua wā ka reri ngā tūemi. Puritia ana ngā tūemi mōu, mō te rima rangi.
3. Whakarite wā hei toro i ngā kohinga ritenga wā
Mō mua o tō toro mai, whakapā mai koa ki te whakarite wā kia toroa ēnei kohikohinga ritenga wā, me kape rīpene rongo, whataata rānei e mātou o ētahi tūemi mōu.
- Cartographic Collection, Te Wharepukapuka o Alexander Turnbull
- Drawings, Paintings and Prints collection, Te Wharepukapuka o Alexander Turnbull
- Cartoon Archive, Te Wharepukapuka o Alexander Turnbull
- Ephemera Collection, Te Wharepukapuka o Alexander Turnbull
- Photographic Archive, Te Wharepukapuka o Alexander Turnbull
- Dorothy Neal White Collection
- National Children’s Collection.
Whakarite wā mō ngā kohikohinga o Te Wharepukapuka o Turnbull
Whakarite wā mō ngā kohikohinga o Dorothy Neal White, National Children's rānei
4. Tirohia he rāhuinga whakaahei o ngā rauemi e hiahiatia ana
Tēnā pea me tono whakaaetanga kia taea ai te tirotiro i ētahi tūemi mēnā kua rāhuitia e te kaihanga, e te kaituku mai rānei. Tono āwhina mai i ngā kaimahi.
5. Rūma pānui
He maha ngā rūma pānui o Te Puna; ko tēwhea hei nōhanga mōu, kei ngā tūmomo rauemi te tikanga. Me whai e koe ngā whakaritenga ki aua rūma pānui.
Tikiake i ngā whakaritenga mō ngā rūma pānui
Mōhiohio Haereerenga
Kai te pātata Te Puna ki ngā wāhi o ngā waka pāhīhī, otirā te teihana rerewē me te teihana pahi o Te Whanganui-a-Tara. Tirohia te Metlink mō ngā rātaka tereina, pahi hoki.
Kei te pātata Te Puna ki Archives New Zealand, ka māmā ai te toro ki ngā wāhi e rua i te rā kotahi.He hōtera anō kei te pātata mai ki Te Puna, he toa kai, he toa hoko kai hoki.
Tirohia ngā aratohu wāhi noho ki Positively Wellington Tourism mō ngā hōtera nohopātata mai ki Te Puna.
Aratohu wāhi noho – te pae tukutuku o Positively Wellington Tourism
