A Plan for Partnership 2005-2010

Kōkiri, Kōkiri, Kōkiri!

Whakarongo ake au ki ngā reo o te motu

E karanga mai ana

Huakina mai ngā tatau o tō whare

Kia Mahi Tahi tātou, kia inu ai mātou

i Te Puna Mātauranga o Aotearoa.

Nō te 2001 te māunutanga o Te Kaupapa Mahi Tahi, i tū ai te kaupapahere o Te Puna Mātauranga o Aotearoa hei waihanga, hei manaaki hoki i te honongaki Ngāi Māori. He whai anō Te Kaupapa Mahi Tahi 2005-2010 i taua ara.

Nā ngā hui puta noa i te motu tēnei pepamana kaupapahere. Ko tōna kaupapa he whakapakari i ngā hononga tūturu o waenga i Te Puna Mātauranga o Aotearoa me ngā iwi, me Ngāi Māori nui tonu. Ko tā Te Kaupapa nei he hono i ngā iwi, otirā Ngāi Māori, ki ngā pārongae whai tikanga ana ki ngā āhuatanga katoa o ō rātau ao. Mā Ngāi Māori:

• Ko te whakahono i a Ngāi Māori ki ngā pārongo e whai tikanga ana ki ngä ähuatanga katoa o ō rātau ao, i runga anō i ngā huarahi e hāngai ana ki a Ngāi Māori
• Ka tiakina, ka tohua, ka whakawāteatia hoki ngā taonga Māori i runga anō i te mahi tahi ki ngā iwi me Ngāi Māori
• Ka tautokona te āhei a ngā tāngata katoa o Aotearoa ki te mātauranga Māori
• E whai pūkenga ana ngā tāngata o Aotearoa ki te whakamahi i te pārongo, e māia ana hoki
• Ka whai hononga mātau ki ngā iwi me Ngāi Māori, ka poipoi hoki mātau i ēnei hononga.

Ka haere tonu ngā mahi a Te Kaupapa Mahi Tahi ki te tautoko i ngā Tauākī Whāinga a Te Puna Mātauranga o Aotearoa me te Rautaki mō Te Puna Mātauranga Whakatupuranga hou. Ka whai pānga tēnei kaupapa ki ngā kaupapahere me ngā mahi katoa a Te Puna Mātauranga o Aotearoa. Ka whakaū hoki a Te Kaupapa Mahi Tahi i te ū o Te Puna Mātauranga o Aotearoa ki āna kiritaki Māori.

Ka riro mā nga kaiārahi rautaki i Te Puna Mātauranga o Aotearoa e whakarite, e kōkiri, e arotake hoki he mahere rima tau mō ngā tau 2005-2010. Ka whai wāhi ē nei mahere ki ngā mahi nei, māna ka hua ake ngā whāinga mō ngā iwi o te motu me Ngāi Māori nui tonu.

Tīkina Te Kaupapa Mahi Tahi 2005-2010